Türkiyənin qəzaya uğrayan təyyarəsində həlak olan hərbçilərdən 19-nun nəşi tapılıb

Gürcüstan ərazisində qəzaya uğrayan Türkiyə Hərbi Hava Qüvvələrinə məxsus C-130 tipli hərbi nəqliyyat təyyarəsinin həlak olan hərbçilərindən daha birinin cəsədi aşkar olunub.

BAKU.WS-in "A Haber"ə istinadla verdiyi məlumata görə, xəbəri telekanalın hadisə yerində olan müxbiri yayıb.

Bundan öncə 18 hərbçinin nəşinin tapıldığı bildirilmişdi. Beləliklə, indiyədək ümumilikdə 19 hərbçinin nəşi aşkar edilib.

Sonuncu heyət üzvünün axtarış-xilasetmə işləri isə hələ də davam etdirilir.