"Qəbələ" növbəti mərhələyə yüksəlib

"Qəbələ"nin 19 yaşadək futbolçulardan ibarət komandası UEFA Gənclər Liqasının I mərhələsində cavab oyununa çıxıb.Emin İmaməliyevin baş məşqçilik etdiyi kollektiv Moldovada "Şerif”lə üz-üzə gəlib. Tiraspolda təşkil olunan qarşılaşma "Qəbələ"nin 3:1 hesablı qələbəsi ilə yekunlaşıb. Doğma meydandakı görüşdə rəqibi ilə 1:1 hesablı heç-heçə edən "qırmızı-qaralar" bu nəticədən sonra növbəti mərhələyə yüksəlib."Qəbələ"nin heyətində Samir Qurbanov 43 və 62-ci dəqiqələrdə fərqlənib. 63-cü dəqiqədə isə meydan sahiblərinin futbolçusu Vadim Dijinari avtoqol müəllifi olub. "Şerif"in yeganə qoluna isə 53-cü dəqiqədə Vsevolod Nihayev imza atıb.Qeyd edək ki, "Qəbələ" II mərhələdə "Lex” (Polşa) - "Herta” (Almaniya) cütünün qalibi ilə qarşılaşacaq. Həmin oyun Bakı vaxtı ilə saat 18:00-da start götürəcək.BAKU.WS