ABŞ-nin milyonluq təklifi rədd edildi: İspaniya Superkuboku İstanbulda keçiriləcək

ABŞ-nin milyonluq təklifi rədd edildi: İspaniya Superkuboku İstanbulda keçiriləcək
İdman 117

2027-ci il İspaniya Superkuboku ABŞ-dən daha yüksək maliyyə təklifi olmasına baxmayaraq İstanbulda keçiriləcək.

BAKU.WS xəbər verir ki, bunu Dünya Etnospor Konfederasiyasının rəhbəri Bilal Ərdoğan açıqlayıb.

Onun sözlərinə görə, ABŞ Türkiyədən 11 milyon dollar daha yüksək təklif irəli sürüb. Lakin komandaların İstanbulda oynamaq istəyi, Türkiyə-İspaniya münasibətləri və Türkiyə-Səudiyyə Ərəbistanı əlaqələrinin inkişafı turnirin İstanbulda keçirilməsinə təsir edən əsas amillərdən olub.

Bilal Ərdoğan bildirib ki, turnirin Türkiyəyə gətirilməsi Dünya Etnospor Konfederasiyasının apardığı diplomatik təmasların nəticələrindən biri kimi qiymətləndirilə bilər.

2027-ci il İspaniya Superkuboku fevralın 2-dən 6-dək İstanbulda keçiriləcək. Turnirdə "Barselona", "Real Madrid", "Atletiko Madrid" və "Real Sosyedad" iştirak edəcək.

Yarımfinal mərhələsində "Barselona" "Atletiko Madrid", "Real Sosyedad" isə "Real Madrid"lə qarşılaşacaq. Final görüşünün fevralın 6-da keçirilməsi planlaşdırılır.

Qeyd edək ki, İstanbul İspaniya Superkubokuna ilk dəfə ev sahibliyi edəcək.

Mokaland Uşaq Əyləncə Mərkəzi

Oxşar xəbərlər

Cüdo üzrə Bakı çempionatına yekun vurulub

Cüdo üzrə Bakı çempionatına yekun vurulub

Noyabrın 15-də Abşeron Olimpiya İdman Kompleksində təşkil olunan cüdo üzrə böyüklər arasında Bakı şəhər çempionatı başa çatıb. Bu barədə  BAKU.WS-ə Azərbaycan C...

50 İdman 18:45 15 noyabr 2026

Son xəbərlər