Ukraynada şəhərlərdən biri susuz qalıb

Ukraynanın Vinnitsa şəhərində elektrik təchizatında yaranan nasazlıq səbəbindən əsas su nasos stansiyası dayanıb və şəhərdə ciddi su problemi yaranıb.

BAKU.WS xəbər verir ki, yüksək gərginlikli elektrik xəttindəki fasilə nəticəsində həm əsas, həm də ehtiyat enerji mənbələri işləməyib.

Bu səbəbdən su anbarları müvəqqəti bağlanıb ki, mövcud ehtiyatlar qorunsun və sistem tezliklə bərpa olunsun.

Nəticədə şəhərin böyük hissəsində su ya tam kəsilib, ya da çox zəif təzyiqlə verilir.

Bundan əvvəl də Ukraynada digər bölgələrdə infrastruktur zədələnməsi səbəbilə oxşar fasilələr qeydə alınmışdı. Hazırda bərpa işləri davam edir.