Azərbaycanca 
По-русски 
English 
Haqqımızda
SpaceX tarixə düşdü: Kosmik gəmi havada mexaniki qollarla tutuldu
Yeniliklərdən dərhal xəbərdar olun
BAKU.WS xarici mediaya istinadən xəbər verir ki, hadisə ABŞ-nin Texas ştatında yerləşən "Starbase" kosmodromunda baş verib. Təxminən 22 saatlıq uçuşdan sonra kosmik gəmi "Mechazilla" adlı buraxılış qülləsinin "yemək çubuqları" kimi tanınan mexaniki qolları ilə havada saxlanılıb.
Bu, kosmik uçuşlar tarixində orbitə çatmış kosmik gəminin buraxılış qülləsində mexaniki qollarla tutulmasının ilk nümunəsi kimi qiymətləndirilir.
"SpaceX"in 15-ci sınaq uçuşu zamanı "Super Heavy" gücləndiricisinin də Yerə təhlükəsiz qaytarılması planlaşdırılsa da, onun eniş trayektoriyasında problem yaranıb. Nəticədə gücləndirici Meksika körfəzinə yönəldilib və suya çatmadan havada partlayıb.
Bununla belə, şirkət eyni uçuş zamanı 26 yeni nəsil "Starlink V3" peykini orbitə yerləşdirib.
Qeyd edək ki, "Starship" sisteminin hər iki pilləsinin təkrar istifadəsi kosmik uçuşların maya dəyərinin azaldılması baxımından əhəmiyyət daşıyır. Bu texnologiyanın NASA-nın "Artemis" proqramı çərçivəsində Aya uçuşlarda, eləcə də "SpaceX"in Marsa insan göndərmək planlarında istifadə edilməsi nəzərdə tutulur.
Oxşar xəbərlər
Çin Nvidia-nın keçmiş rəhbərini kəşfiyyat hədəfinə çevirib? – WSJ-dən iddia
Çinin texnologiya sektorunu gücləndirmək məqsədilə genişmiqyaslı kəşfiyyat əməliyyatı həyata keçirdiyi və bu əməliyyatın mümkün hədəflərindən birinin Nvidia şir...
