İtaliya yığması Almaniya ilə oyunlardan əvvəl itki ilə üzləşib

İtaliya yığması Almaniyaya qarşı keçirəcəyi UEFA Millətlər Liqasının oyunlarından əvvəl itki ilə üzləşib.

"Report" xəbər verir ki, bu barədə komandanın mətbuat xidməti məlumat yayıb.

"Atalanta"dan milliyə dəvət alan Mateo Reteqi düşərgəni tərk edib. O, əzələsində problem aşkarlandığı üçün komandadan ayrılıb.

Qeyd edək ki, İtaliya martın 20-də evdə, üç gün sonra isə səfərdə Almaniya ilə üz-üzə gələcək.