055 213 76 73
"Qalatasaray"ın argentinalı ulduzu Mauro İkardi bir ay sonra yenidən yaşıl meydanlara qayıdır.
BAKU.WS Türkiyə KİV-ə istinadən xəbər verir ki, o, "Trabzonspor"la matçda forma geyinəcək.
Məlumata görə, "Fənərbağça" derbisində üzündən aldığı zərbə nəticəsində üz sümüklərində sınıqlar yaranan Mauro İkardi təxminən 3 həftədir ki, müalicəsini İstanbuldan kənarda davam etdirir və klubun verdiyi proqrama uyğun olaraq çalışırdı.
O, bu axşam saat 22.30 radələrində İstanbula dönəcək və sabah klub həkimləri tərəfindən qulaq-burun-boğaz və üzünü yoxlatdıracaq. Daha əvvəl heç bir əməliyyata ehtiyacı olmadığı bildirilən ulduz futbolçu 3 gün məşq edib, şənbə günü komanda ilə Trabzona yollanacaq.
Qeyd edək ki, "Trabzonspor"-"Qalatasaray" matçı yanvarın 21-i saat 20:00-da start götürəcək.