"Sehrli Anam" serialının "Çiyələk"i Zeynəb Özkaya ailə qurdu

"Sehrli Anam" serialının "Çiyələk"i Zeynəb Özkaya ailə qurdu.

BAKU.WS xəbər verir ki, 2003-cü ildə böyük maraqla izlənilən "Sehrli Anam" ("Sihirli Annem") serialında "Çiyələk" obrazı ilə tanınan aktrisa Zeynəb Özkaya sevdiyi şəxs Oğulcan Can ilə nikah masasına oturub.

26 yaşlı aktrisa ötən ilin avqustunda sevgilisindən evlilik təklifi almış və həmin anı "Həyatımın şokunu yaşadım, doğum gününə gəldiyimi düşünürdüm, amma baş verənlərə bax" sözləri ilə sosial mediada paylaşmışdı.

Cütlük ötən axşam keçirilən mərasimlə ailə həyatı qurub. Toy mərasimində Zeynəb Özkaya və Oğulcan Can-ın ailə üzvləri, yaxın dostları, o cümlədən tanınmış simalardan Gizem Güvən, İnci Türkay, Jennifer Boyner, Dilara Kurtulmuş və Buğra Özmüldür də iştirak edib.

Cütlüyün ilk rəqsi və toy mərasimindən görüntülər sosial şəbəkələrdə paylaşılıb.

Qeyd edək ki, Zeynəb Özkaya "Sehrli Anam" serialında canlandırdığı "Çiyələk" obrazı ilə ekranların sevimlisinə çevrilmişdi.