"Eşref Rüya" ilə bağlı ŞOK MƏLUMAT - 40 ölkə...

Türkiyənin məşhur istehsal şirkəti "Tims&B Productions" tərəfindən çəkilən "Eşref Rüya" serialı beynəlxalq səviyyədə böyük maraq doğurub.

BAKU.WS xəbər verir ki, serial artıq 40 ölkəyə satılıb, əlavə olaraq 12 ölkə ilə danışıqlar yekun mərhələdədir.

Bu nailiyyət "Tims&B Productions" üçün beynəlxalq bazarda mühüm uğur sayılır və Türkiyə serial sənayesinin qlobal miqyasda nüfuzunun artdığını bir daha göstərir.

Serialın baş rollarında Türkiyənin tanınmış aktyorları Çağatay Ulusoy və Demet Özdemir çıxış edir. Ekran əsəri yayımlandığı gündən həm daxildə, həm də xaricdə tamaşaçılardan müsbət rəylər toplayıb.

Qeyd edək ki, "Eşref Rüya"nın xarici bazarlarda bu qədər sürətlə yayılması, türk serial sənayesinin ixrac göstəricilərində yeni rekord qıracağına işarə edir.