"Falçı Səkinə" AZADLIQDA

İş adamı Barat Abdullayevin keçmiş həyat yoldaşı Təyminə Abdullayevaya qarşı dələduzluqda təqsirləndirilən, "Falçı Səkinə"kimi tanınan Səkinə İsmayılovanın barəsindəki cinayət işi üzrə məhkəmə prosesi başa çatıb.BAKU.WS xəbər verir ki, Bakı Ağır Cinayətlər Məhkəməsində hakim Zeynal Ağayevin sədrliyi ilə keçirilən prosesdə təqsirləndirilən şəxsin vəkili Ceyhun Yusifov çıxış edib.Vəkil deyib ki, müdafiə etdiyi şəxsə qarşı irəli sürülmüş ittiham təsdiqini tapmadığı üçün barəsində bəraət hökmü çıxarılmalıdır.Səkinə İsmayılova da son sözündə bəraət hökmünün çıxarılmasını xahiş edib.Hökmə əsasən, Səkinə İsmayılova barəsində bəraət hökmü çıxarılıb və o, məhkəmə zalından azadlığa buraxılıb.Qeyd edək ki, Təyminə Abdullayevaya barəsində əri Barat Abdullayevin şikayəti əsasında cinayət işi açılıb.Barat Abdullayev şikayətində bildirib ki, arvadı birgə nikahdan olan yaşayış sahəsini satıb pulunu ələ keçirmək istəyib. Bu məqsədlə yeni şəxsiyyət vəsiqəsini saxtalaşdırıb. Yeni şəxsiyyət vəsiqəsində ailəli yox, subay olduğunu yazdırıb. Həmin sənəddən istifadə edərək qeyd edilən mənzili 250 min manata özgəninkiləşdirək, ona 890 min manat məbləğində ziyan vurub.Barat Abdullayev şəxsi bizneslə məşğuldur. Onun Bakıda otelinin, ticarət obyektlərinin olduğu bildirilir. Barat Abdullayev həyat yoldaşından boşanmaq üçün məhkəməyə müraciət edib.Təyminə Abdullayeva ərinin dedikləri ilə razılaşmayaraq bildirib ki, pullarını Səkinə İsmayılova adlı falçı ələ keçirib. S.İsmayılova ondan fala baxmaq adı ilə əvvəlcə 20 min, sonra isə 10 min manat alıb. Daha sonra onun evini banka girov qoyaraq pul götürüblər.T.Abdullayeva iddia edib ki, falçı Səkinə onun pullarını və əmlakını ələ keçirib.Səkinə İsmayılova da bu iddia əsasənda həbs edilib.Ona qarşı Cinayət Məcəlləsinin 178.3.2 (külli miqdarda dələduzluq) maddəsi ilə ittiham irəli sürülüb.Xatırladaq ki, Təyminə Abdullayeva da Bakı Ağır Cinayətlər Məhkəməsinin hökmü ilə 8 il müddətinə azadlıqdan məhrum edilib.Bakı Apellyasiya Məhkəməsində isə onun cəzası 5 ilə endirilib.BAKU.WS