UNICEF: 2026-cı ildə 200 milyondan çox uşaq humanitar yardıma möhtac olacaq

UNICEF-in icraçı direktoru Ketrin Rassell bildirib ki, dünyada münaqişələr, iqlim dəyişiklikləri, iqtisadi qeyri-sabitlik və bərabərsizlik uşaqlara ciddi təsir göstərir.

BAKU.WS xəbər verir ki, onun sözlərinə görə, 2026-cı ildə 130-dan çox ölkədə 200 milyondan artıq uşaq humanitar yardıma ehtiyac duyacaq.

Rassell qeyd edib ki, son 30 ildə uşaq sağlamlığı sahəsində irəliləyiş əldə olunsa da, 2025-ci il uşaq ölümlərinin artdığı ilk il kimi tarixə düşə bilər. O, ötən il uşaqlara qarşı ağır hüquq pozuntularının rekord həddə çatdığını da vurğulayıb.

UNICEF rəsmisi əlavə edib ki, milyonlarla uşaq qidalanma çatışmazlığından əziyyət çəkir və vəsaitlərin azalması vəziyyəti daha da ağırlaşdırır. Təşkilat böhran şəraitində yaşayan ən həssas uşaqlara dəstəyin davam etdirilməsinin vacibliyini bildirib.