Polşanın Baş naziri sabah Türkiyəyə gedəcək

Polşanın Baş naziri Donald Tusk martın 12-də Türkiyəyə işgüzar səfər edəcək.

"Report" "CNN Türk"ə istinadən xəbər verir ki, o, Prezident Rəcəb Tayyib Ərdoğanla görüşəcək.

Görüşdə ikitərəfli münasibətlərin inkişafı üçün atıla biləcək addımlar müzakirə olunacaq.

Həmçinin Avropa İttifaqı ilə Türkiyə arasındakı münasibətlər barədə fikir mübadiləsi aparılacaq.

Eyni zamanda Rusiya-Ukrayna müharibəsi də daxil olmaqla, regional və beynəlxalq məsələlər barədə də danışılacaq.