Nyu-Yorkda qanunsuz miqrantlara dəstək aksiyalarında 65 nəfər saxlanılıb

ABŞ-nin Nyu-York şəhərində miqrantlara dəstək məqsədilə keçirilən aksiyada 65 nəfər saxlanılıb.

BAKU.WS xarici KİV-ə istinadən xəbər verir ki, etirazçılar Miqrasiya və Gömrük Nəzarəti İdarəsinin (ICE) qanunsuz miqrantları saxlamasına etiraz edib. Minlərlə insan Manhettendə yerləşən Foley Meydanında toplaşıb.

Etirazçılar "Bu irqçi sistem dağılmalıdır!" kimi şüarlar səsləndirib, plakatlar qaldırıb və yolları bağlayıblar.

Aksiyalar axşam saatlarında nəzarətdən çıxıb. Etirazçılar polislərə müxtəlif əşyalar atıb, polis isə onlara bibər qazı ilə müdaxilə edib. Nəticədə 65 nəfər saxlanılıb. Onlar "ictimai asayişi pozmaqda" ittiham olunurlar. Sayın artacağı da bildirilir.

Nyu-Yorkdakı aksiyalarla eyni vaxtda San-Fransisko, Sietl və Çikaqo kimi şəhərlərdə də oxşar aksiyalar keçirilib.