Keşişlər kilsə xəzinəsindən üç milyon avroya yaxın pul oğurlayaraq gecə klublarında xərcləyiblər

Yunan din xadimləri gecə klublarına təxminən üç milyon avro pul xərcləyiblər.

BAKU.WS xəbər verir ki, bu barədə Afina xəbər agentliyi məlumat yayıb.

Yunanıstanın Çirkli Pulların Yuyulmasına Qarşı Mübarizə İdarəsi Peloponnesdəki gecə klublarının sahiblərinin hesablarına edilən şübhəli köçürmələrə diqqət çəkib. Sahibkarlardan birinin cinayət əməllərində əli olduğu məlum olub.

Əməliyyatları təhlil edən ekspertlər belə qənaətə gəliblər ki, böyük məbləğlər Yunanıstan Katolik Kilsəsinin iki yüksək rütbəli şəxslərindən gəlib. HAMLA işçiləri daha sonra məlumatı kilsənin milli qərargahına ötürüblər ki, aidiyyəti şəxslər mümkün oğurluğa görə araşdırılsınlar.

HAMLA-nın sonrakı təftişindən sonra kilsənin kassasından gecə klublarına təxminən üç milyon avronun getdiyi məlum olub. Belə fırıldaqçılıq təcrübəsi səkkiz il əvvəl başlayıb. Sonuncu şübhəli əməliyyat bir neçə gün əvvəl qeydə alınıb, transfer məbləği 50 min avro olub.