İranda molla oğurlanıb

İranın Sistan və Bəlucistan vilayətinin İranşəhr şəhərində silahlı şəxslər din xadimi Rza Səmədini qaçırıblar.

BAKU.WS xəbər verir ki, bu barədə "Azad İran" "Telegram" kanalı məlumat yayıb.

Şahidlərin bildirdiyinə görə, hadisə bazar ertəsi səhər saatlarında baş verib. Ağ rəngli "Peugeot" markalı avtomobil mollanın qarşısında qəfil dayanıb. Avtomobildən enən qara geyimli dörd silahlı şəxs Rza Səmədini zorla maşına mindirərək naməlum istiqamətə aparıb.

Hadisənin üzərindən xeyli vaxt keçməsinə baxmayaraq, din xadiminin taleyi barədə hələ də heç bir məlumat yoxdur.

Yerli hüquq-mühafizə orqanları insidentlə bağlı araşdırmalara başlayıb.