İranda dolların məzənnəsi rekord həddə çatdı – 2,3 milyon rialı keçdi

İranda milli valyuta rialın ABŞ dolları qarşısında ucuzlaşması sürətlənib. Tehranın valyuta bazarında dolların məzənnəsi yeni tarixi maksimuma yüksəlib.

BAKU.WS xəbər verir ki, sentyabrın 27-də rəsmi məzənnə ilə 1 dollar 1 milyon 717 min 400 rial olub. Sərbəst bazarda isə dolların məzənnəsi 2 milyon 344 min 800 rialadək yüksəlib.

Beləliklə, rəsmi və sərbəst bazar məzənnələri arasında fərq təxminən 36 faizə çatıb.

Rialın dəyər itirməsi fonunda İranda vətəndaşların yığımlarını qorumaq üçün dollar və digər xarici valyutalara marağı artır. Bu isə valyuta bazarında dollara tələbatı daha da yüksəldir.

Sentyabrın 28-də isə sərbəst bazarda dolların alış qiyməti təxminən 2 milyon 337 min rial, satış qiyməti isə 2 milyon 360 min 500 rial təşkil edib.