Bu pendirlərdə BAKTERİYA AŞKARLANDI - Marketlərdən yığılır

Şotlandiyalı qida mütəxəssisləri "Hebridean Blue Cheese" adlı pendirlərdə zəhərli bakteriya aşkar ediblər.

BAKU.WS xarici KİV-ə istinadən xəbər verir ki, "Isle of Mull Cheese" markasına aid məhsullarda "Shiga" zəhəri istehsal edən "Escherichia coli" bakteriyası aşkarlanıb.

Bu bakteriya qida zəhərlənmələri ilə yanaşı böyrəkləri də məhv edə bilir. Bunun adı ümumilikdə STEC bakteriyası adlanır ki, bu da yoluxucudur. Bu bakteriyaya yoluxanlar mədə ağrısı, qaytarma və iki həftəyə qədər davam edən ishal problemi yaşayır.

Bu bakteriyanın yüzdə 15 faizi böyrəyi məhv edərək dializə gətirib çıxarır. Burada daha çox 5-6 yaş arası uşaqlar risk daşıyır. Yaşlıların və immun sistemi əzif olanların da bu bakteriyaya yoluxması qaçınılmazdır.

"Daily Mail" nəşrində yer alan xəbərə görə, "Isle of Mull Cheese" markasına aid "Hebridean Blue Cheese" pendirlərinin üzərində son istifadə tarixi 10 aprel 2025-ci il qeyd edilib.

Bu məhsullar təhlükəli bakteriya daşıyıcısı olduğundan onu alan supermarket və mağazaların geri qaytarması tələb edilib.

Marka geri qaytarılan pendirlərdə patogen (hər hansı bir orqanizm sisteminə zərər verə bilən və ya hər hansı bir xəstəliyin inkişafına səbəb ola biləcək hər hansı bir ekoloji amil) aşkarlanmadığını təsdiqləyib.

E. coli (STEC), bakteriyası bağırsaqların divarına müxtəlif zərərlər evrərək onları zədələyir.

STEC-ə yoluxanlarda aşağıdakı hallar müşahidə edilir:

- Şiddətli qarın ağrısı

- Sulu və ya qanlı ishal

- Ürək bulanması və qusma

- Yüngük formada qızdırma