ABŞ-də 35 il öncə törədilmiş qətlin üstü açılıb
![ABŞ-də 35 il öncə törədilmiş qətlin üstü açılıb](https://baku.ws/storage/photos/thumbs/large/1708627833_707c9efe-ba51-3300-9c95-eeaed1368cbe_850.webp)
989-cu ildə ABŞ-nin Missuri ştatında törədilmiş qətlin üstün açılıb. Bu, 35 il aradan sonra cinayət barədə məlumat vermiş şəxsin sayəsində mümkün olub.
“Report” “Assosiated Press”ə istinadən xəbər verir ki, bu barədə ştatın Duqlas dairəsinin şerifi Kris Degeys bildirib.
Duqlasın rəhbərliyi çərşənbə günü üç nəfərin həbs olunduğunu və onların 1989-cu ildə 24 yaşlı Kelle Enn Uorkmanın öldürülməsində birinci dərəcəli qətl, zorlama və birinci dərəcəli insan oğurluğunda ittiham olunduqlarını açıqlayıb. Məhkəmə sənədlərinə görə, həbs olunmuş şəxslərin hələ də vəkilləri yoxdur.
Agentlik qeyd edib ki, Uorkman sonuncu dəfə 1989-cu ilin iyunun 30-da kənd qəbiristanlığında ot biçərkən görülüb. Onun meyiti bir həftə sonra 16 km uzaqlıqdakı kiçik çayda tapılıb.
“Düşünürəm ki, biz Kelleyə bir qədər ədalət verə bilirik”, – şerif Degeys mətbuat konfransında söyləyib.
Eyni zamanda, bölgənin prokuroru Metyu Uezerman məlumat vermiş şəxsin bilgisinin etibarlı olduğunu vurğulayıb.
Bu işdə əmin olub-olmaması barədə verilmiş suala isə dövlət ittihamçısı belə cavab verib: “Bu, 1989-cu ilin işi üçün mümkün ola biləcək ən yaxşısıdır”.
Oxşar xəbərlər
ABŞ ən böyük ştatını itirmək təhlükəsi ilə üzləşib - dünyada separatizmə dəstək ona baha başa gəlir - ŞƏRH
Dünyanın müxtəlif ölkələrində separatçı çıxışları xalqların seçimi olduğunu iddia edən Birləşmiş Ştatlar çətin duruma düşüb. Ölkənin ən iri ştatlarından biri Te...