Almaniya və Fransa Serbiyanı Rusiyaya qarşı sanksiyalar tətbiq etməyə çağırıb
![Almaniya və Fransa Serbiyanı Rusiyaya qarşı sanksiyalar tətbiq etməyə çağırıb](https://baku.ws/storage/photos/thumbs/large/1705950315_a5f4a0a7-fba8-3468-a33d-903b9d479943_850.webp)
Almaniyanın və Fransanın Serbiyadakı səfirləri Anke Konradla Pyer Koşar yerli hakimiyyət orqanlarını Aİ üzvlüyünü milli prioritet etməyə və Rusiyaya qarşı sanksiyalara qoşulmağa çağırıblar.
"Report" xəbər verir ki, bu barədə "Politika" qəzeti məlumat yayıb.
"2024-cü ilin yanvarında Serbiyanın Aİ-yə daxil olması ilə bağlı danışıqların başlanmasının 10 illiyi tamam olur. Biz başa düşürük ki, vaxt çərçivəsi sizə uzun görünə bilər, bu, mürəkkəb prosesdir və biz hakimiyyət orqanlarına, hamıya səslənirik. Siyasi qüvvələr və Serbiyanın hər bir vətəndaşı milli prioritet kimi Aİ-yə daxil olmaq məqsədini özləri üçün müəyyən etsinlər”, - səfirlər bildiriblər.
Serbiya Prezidenti Aleksandar Vuçiç dəfələrlə vurğulayıb ki, ölkə müstəqil siyasət quracaq, başqalarının narazılığına baxmayaraq, Rusiya və Çinlə ənənəvi dostluq münasibətlərini davam etdirəcək. Onun sözlərinə görə, Belqrad Rusiyaya qarşı sanksiyalar tətbiq etmək, Moskva və Pekinə qarşı davamlı bəyanatlar vermək niyyətində deyil.
Oxşar xəbərlər
Fransanın erməni sevgisi: Paris sülhdən sonra Bakının üzünə necə baxacaq? - ŞƏRH - FOTO
Fransanın Azərbaycana qarşı qeyri-obyektiv, qərəzli yanaşması təəssüf ki, ara vermir. Rəsmi Parisin ritorikası əvvəl ermənipərəst idisə, indi açıq-aydın anti-Az...