VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Amerika Xərçəng Araşdırmaları Assosiasiyasının alimləri müəyyən ediblər ki, idman və məşq süd vəzi xərçənginin nəfəs darlığı, yorğunluq və ürəkbulanma kimi yan təsirlərini yaxşılaşdıra bilər.

BAKU.WS-in xəbərinə görə, tədqiqatın nəticələri Assosiasiyanın saytında dərc edilib.

Süd vəzi xərçəngi və onun müalicəsi xəstələrin həyat keyfiyyətini azalda bilər. Belə ki, bəzən onlar nəfəs darlığı, ürəkbulanma və zəiflik hiss edirlər. Alimlər idmanın bu vəziyyətdə olan insanların özlərini daha yaxşı hiss etmələrinə kömək edə biləcəyini öyrənməyə çalışıblar. Bunun üçün onlar Almaniya, Polşa, İspaniya, İsveç, Hollandiya və Avstraliyadan olan 357 könüllünün iştirakı ilə araşdırma aparıblar.

Bütün iştirakçılar məşqlə bağlı məsləhətlər alıb. Doqquz həftə ərzində onlar koordinasiyalı şəkildə məşq edib, həmçinin aerobika ilə məşğul olublar.

Hər üç aydan bir iştirakçılar fiziki, əqli, emosional və iqtisadi cəhətdən həyat keyfiyyətini qiymətləndirmək üçün anketləri doldurublar.

Bundan əlavə, tədqiqatçılar mütəmadi olaraq könüllülərin fiziki hazırlığının yaxşılaşmasını yoxlayıblar. Sorğularda müntəzəm məşq edən xəstələr rifahlarının əhəmiyyətli dərəcədə yaxşılaşdığı məlum olub. Altı aydan sonra iştirakçılar üçün cəmiyyətlə ünsiyyət qurmaq asanlaşıb.

Bundan əlavə, bu qrupdan olan könüllülər nəfəs darlığının intensivliyinin 7,6 bal, ağrının isə 7,1 bal azaldığını bildiriblər.

Alimlər həmçinin müəyyən ediblər ki, doqquz aylıq təcrübə zamanı bir çox iştirakçı idmanla məşğul olmağa vərdiş edib.

Onlar araşdırma bitdikdən sonra məşqlərə davam edəcəklərini bildiriblər.

Tədqiqatın müəllifləri ümid edirlər ki, fiziki fəaliyyət döş xərçəngi üçün köməkçi müalicəyə çevrilə bilər.

BAKU.WS