"Qarabağ"ın dünya klubları reytinqində geriləyib

Beynəlxalq Futbol Tarixi və Statistikaları Federasiyasının (IFFHS) rəsmi saytında yayımlanan məlumata görə, Azərbaycan çempionu 507 komandalıq siyahıda 167,25 xalla 72-ci yerə düşüb.

Oktyabr ayında Ağdam klubu 8 pillə geriləyib.

18 mövqe geriləyən "Zirə" (94,25 xal) siyahıda 219-cu sıradadır. "Sabah" isə 12 pillə geriləyərək (59,50 xal) 423-cü yerə enib.

Qeyd edək ki, reytinq cədvəlinə 414 xalla İspaniyanın "Real" klubu liderlik edir.