Rusiya Ukraynada 4 generalı və 3 polkovnikini itirib - ADLAR

Ukraynada hərbi əməliyyatlar başlayandan bu günə qədər Rusiya Silahlı Qüvvələrinin 4 generalı və 3 polkovniki öldürülüb.

BAKU.WS xəbər verir ki, bu barədə Ukrayna Milli Təhlükəsizlik və Müdafiə Şurası yanında Dezinformasiyaya Qarşı Mübarizə Mərkəzi məlumat yayıb.

Məlumata görə, Rusiya ordusunun ali komandanlığının ən azı 10 üzvü həlak olub.

İddia olunur ki, döyüşlərdə general-mayorlar - Maqomed Tuşayev, Vitali Gerasimov, Andrey Kolesnikov, Andrey Suxovetski, polkovniklər - Andrey Zaxarov, Sergey Poroxnyu, İqor Nikolayev, polkovnik-leytenantlar - Yuri Aqarkov, Dmitri Sofronov, Mixail Yermolin öldürülüblər.