Emin Ağalarov: Donald Trampla ədalətsiz davranırlar - VİDEO

"Media və hamı diqqətini yalnız prezidentin mənfi tərəflərinə yönəldib və son üç ildə qazandığı uğurlardan nadir hallarda danışır".

BAKU.WS xəbər verir ki, bu sözləri tanınmış müğənni, Azərbaycanın Xalq artisti Emin Ağalarov keçmiş iş ortağı, ABŞ prezidenti Donald Tramp haqqında RT-yə danışarkən deyib.

Ağalarovun sözlərinə görə, Tramp nə ilə üzləşməyindən asılı olmayaraq qalib gəlməkdə davam edir: "İstər Müller, istər media, istə saxta xəbərlər, istərsə də ona qarşı irəli sürülən itihamlar olsun".

Qeyd edək ki, Emin Ağalarov Donald Trampla iş əlaqələri səbəbindən Rusiyanın 2016-cı ildə ABŞ seçkilərinə müdaxiləsində iştirak etməkdə şübhəli bilinirdi. Ağalarov hətta xüsusi prokuror Müller tərəfindən aparılan araşdırma səbəbilə ABŞ-a olan konsert turunu ləğv etmişdi.