Azərbaycan prezidenti İlham Əliyev Belçikada törədilmiş terror aktı səbəbindən Belçika Krallığının Baş naziri Zati-aliləri cənab Şarl Mişelə başsağlığı verib.  
 
BAKU.WS dövlət başçısının başsağlığı məktubunu olduğu kimi təqdim edir: 
 
"Brüssel şəhərində törədilmiş partlayışlar nəticəsində çoxsaylı insan tələfatı və yaralananlar barədə xəbər bizi olduqca kədərləndirdi.

Biz bu dəhşətli hadisədən son dərəcə hiddətlənir, terrorun bütün təzahürlərini qətiyyətlə pisləyir, terrorizmə qarşı mübarizəni hər cür dəstəkləyirik.

Bu faciə ilə əlaqədar Sizə, həlak olanların ailələrinə və yaxınlarına, bütün Belçika xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram".
 
BAKU.WS