Bakı metrosunu su basması ilə bağlı rəsmi açıqlama (VİDEO)

Səhər saatlarından Bakıya yağan güclü yağış ciddi problemlər yaradıb.“Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov Oxu.Az-a açıqlamasında bildirib ki, suyun səviyyəsinin 10-15 sm qalxması nəticəsində “Memar Əcəmi” metro stansiyasının yeraltı keçidini su basıb. “Metropoliten və Fövqəladə Hallar Nazirliyinin əməkdaşlarının birgə səyləri nəticəsində problem qısa müddətdə aradan qaldırılıb”, - deyə o bildirib. B.Məmmədov bildirib ki, yeraltı keçidin su basması metronun işinə təsir etməyib. Qeyd edək ki, bu gün Bakıda müşahidə olunan güclü leysan yağışları paytaxtda müxtəlif fəsadlara səbəb olub. BAKU.WS