20 yaşlı gənc dostunu qətlə yetirdi - Restoranda qanlı dava

Mingəçevir şəhərindəki restoranlardan birində gənclər arasında baş verən dava qanla nəticələnib.BAKU.WS APA-ya istinadən xəbər verir ki, 1998-ci il təvəllüdlü Həsənov Emil Çingiz oğlu dostu 1996-cı il təvəllüdlü Mamedov Orxan Salman oğlu ilə “Qədiroğlu” restoranında yeyib-içən zaman aralarında şəxsi münasibətlər zəminində dava baş verib.Emil Həsənov restoranın mətbəxindən götürdüyü bıçaqla Orxan Mamedovun bud nahiyəsinə xəsarət yetirib.Orxan Mamedovun şah damarı kəsildiyi üçün çoxlu qan itirib və təcili tibbi yardım stansiyasının avtomobili ilə Mingəçevir şəhər Mərkəzi Xəstəxanasına aparılaraq cərrahiyyə əməliyyatı olunub.Onun vəziyyəti sonradan ağırlaşdığı üçün Gəncə Beynəlxalq Xəstəxanasına aparılıb və orada dünyasını dəyişib.İki dost arasında baş verən dava zamanı onları sakitləşdirməyə çalışan restoranın ofisiantı, 2000-ci il təvəllüdlü Seymur Zeynalovun da xəsarət aldığı bildirilir.Faktla bağlı Mingəçevir şəhər Prokurorluğu tərəfindən araşdırma aparılır.BAKU.WS