Rusiyanın Kamçatka bölgəsində bir saat ərzində 11 zəlzələ baş verib

Rusiya Elmlər Akademiyasının Vahid Geofizika Xidməti bildirib ki, bir saatdan çox müddət ərzində Kamçatka sahillərində 11 zəlzələ baş verib.

BAKU.WS Tass-a istinadən xəbər verir ki, zəlzələlərin maqnitudası 4,2-5,5 bal təşkil edib.

Xatırladaq ki, iyulun 30-da səhər saatlarında Kamçatka sahillərində güclü zəlzələ baş verib. Bu, 1952-ci ildən bəri ən güclü belə hadisə olub. Səlahiyyətlilərə görə, onun maqnitudası 8,8-ə çatıb. Lakin Rusiya Elmlər Akademiyasının Geofizika Xidmətinin Kamçatka bölməsi bunun 8,7 olduğunu bildirib. Bunun ardınca 5 bal gücündə silsilə təkanlar baş verib.

Regional Səhiyyə Nazirliyinin məlumatına görə, bir nəfər xəsarət alıb. Yaponiya, ABŞ və Filippindəki səlahiyyətlilər tərəfindən isə bildirilib ki, zəlzələ Sakit Okeanda sunamiyə səbəb olub.