Mask ilə Epstein arasında yazışmalar üzə çıxıb

ABŞ Ədliyyə Nazirliyinin Jeffrey Epsteinlə bağlı açıqladığı son sənədlərdə milyarder iş adamı İlon Mask ilə Epstein arasında 2012–2014-cü illərdə aparılan yazışmalar yer alıb.

BAKU.WS xəbər verir ki, sənədlərə görə, Epstein Maskı müxtəlif tədbirlərə dəvət edərkən "25 yaşdan yuxarı heç kim yoxdur, hamısı çox şirindir" ifadəsini işlədib. Yazışmalarda Karib adalarındakı şəxsi ada, planlaşdırılan partilər və qonaq siyahıları ilə bağlı müzakirələr də yer alır.

İlon Mask yayımlanan sənədlərə münasibət bildirərək iddiaların diqqəti yayındırmaq məqsədi daşıdığını, Epsteinlə yaxın münasibətinin olmadığını və dəvətləri qəbul etmədiyini iddia edib.

Qeyd edək ki, Epstein azyaşlılara qarşı cinsi istismar şəbəkəsi yaratmaq ittihamları ilə həbs olunmuş, 2019-cu ildə həbsxanada ölü tapılmışdı. Açılan dosyalar ABŞ-da və dünyada geniş rezonans doğurub.