İsrailin XİN rəhbəri Ukraynaya rəsmi səfər edib

Bu gün İsrailin xarici işlər naziri Gideon Saar Ukraynaya rəsmi səfərə gəlib.

BAKU.WS xəbər verir ki, səfər çərçivəsində Gideon Saar Ukrayna Prezidenti Volodimir Zelenski, ölkənin xarici işlər naziri Andrey Sibiqa, həmçinin Ukraynadakı yəhudi icmasının nümayəndələri ilə bir sıra görüşlər keçirəcək.

Qeyd edək ki, bu səfər son illərdə İsraildən Ukraynaya ən yüksək səviyyəli nümayəndə heyətinin ziyarəti hesab olunur. Sonuncu belə səfər 2023-cü ilin fevralında o zamankı xarici işlər naziri, hazırda energetika naziri olan Eli Koen tərəfindən reallaşdırılmışdı.