İran müharibənin dayandırılması üçün şərtlərini açıqladı

İran ABŞ və İsrail ilə davam edən müharibənin dayandırılması üçün əsas şərtlərini açıqlayıb.

İranın xarici işlər naziri Abbas Əraqçi bildirib ki, münaqişənin sona çatması üçün Tehrana təhlükəsizlik zəmanətləri verilməli və dəyən zərərlərə görə təzminat ödənilməlidir.

BAKU.WS xəbər verir ki, o, bu barədə "Əl-Ərəbi Əl-Cədid" nəşrinə müsahibəsində danışıb.

Nazirin sözlərinə görə, hazırda ABŞ və İsraillə müharibəni dayandırmaq üçün konkret təşəbbüslər hələ irəli sürülməyib.

Abbas Əraqçi həmçinin qeyd edib ki, İran indiyədək mülki obyektləri və yaşayış məntəqələrini hədəfə almayıb. Bununla yanaşı, o xəbərdarlıq edib ki, ölkənin enerji infrastrukturu hücuma məruz qalarsa, regiondakı ABŞ şirkətlərinə məxsus obyektlər cavab hədəfi ola bilər.