Durov "Telegram"ın açarlarını Fransaya verəcək?

Rusiya Federasiyası Təhlükəsizlik Şurası sədrinin müavini Dmitri Medvedev "Telegram"ın qurucusu Pavel Durovun öz istəyi xaricində Fransa hakimiyyətinə şifrləmə açarlarını təhvil verə biləcəyini istisna etməyib.

BAKU.WS xəbər verir ki, bu barədə TASS məlumat yayıb.

Medvedev qeyd edib ki, Durov həqiqətən də "Telegram"ın prinsiplərini müdafiə edib.

Təhlükəsizlik Şurası sədrinin müavini 2015-2016-cı illərdə Durovla görüşü haqqında danışıb. Medvedevin sözlərinə görə, həmin vaxt Durova "Telegram"ın terrorçular tərəfindən istifadə edilə biləcəyini bildirib.

"Buna görə gec-tez bu şifrləmə açarlarını təhvil verməli olacağını dedim. O isə cavab verdi ki, bunu heç vaxt, heç kimə verməyəcək. Məncə, o, buna həqiqətən inanır", - deyə Medvedev əlavə edib.

Medvedev vurğulayıb ki, Fransa Durovu nüfuz riski səbəbindən buraxmalı olacaq. Lakin Medvedevin fikrincə, bundan əvvəl "Telegram"ın qurucusu şifrləmə açarlarını təhvil verməyə məcbur edə bilər.

"Əgər onun həyatı əlverişsiz şəkildə inkişaf edərsə, buna səbəb ola biləcək amillər var. O, heç yerə getməyəcək", - Medvedev nəticə çıxarıb.

Qeyd edək ki, Durov 24 avqustda Paris hava limanında saxlanılıb. Fransa hakimiyyəti onu 12 maddə üzrə açılan cinayət işi çərçivəsində dindirib. Daha sonra ona narkotiklərin və uşaq pornoqrafiyasının yayılmasında iştirak da daxil olmaqla, altı cinayət üzrə ittiham irəli sürülüb. Fransa KİV-i yazıb ki, cinayət işi "Telegram"ın hakimiyyətlə əməkdaşlıqdan imtina etməsi və məzmunun yetərincə moderasiya olunmaması səbəbindən açılıb.