Donald Trampın andiçmə mərasiminə kimlər hansı geyimdə qatıldı?

ABŞ-nin 47-ci prezidenti Donald Trampın ötən günkü andiçmə mərasiminə keçmiş ABŞ prezidentlərindən tutmuş texnologiya milyarderlərinə qədər çox sayda şəxs qatılıb.

BAKU.WS BBC-yə istinadən xəbər verir ki, Trampın həyat yoldaşı Melania Tramp da daxil olmaqla bir çox qonağın geyimi müzakirələr yaradıb.

Melania Tramp andiçmə mərasiminə birinci xanıma aid bütün fərqləndirici xüsusiyyətləri özündə əks etdirən geyimlə qatılıb.

Qəribə xətləri, sivri uclu dikdaban ayaqqabıları və şlyapası ilə o, həm ciddi, həm də şık imic yaradıb.

Keçmiş birinci xanım Cill Bayden isə andiçmə mərasimi üçün tünd göy rəngli paltar seçib. Bu Bayden ailəsini və son dörd ildəki ABŞ idarəçiliyini simvolizə edən rəngdir.

Cill Bayden həyat yoldaşının 2021-ci ildəki andiçmə mərasimində xüsusi dizaynlı "Swarovski" daşları ilə işlənmiş mavi gödəkçə geyinmişdi. Bundan sonra dizaynerin geyim satışlarını 5 dəfə artırdığı bildirilir. Bayden cütlüyünün libası "Ralph Lauren" brendindən idi.

Prezident Trampın qızı İvanka Tramp, Melania Trampın rəsmi görünüşü ilə uyğun olaraq, zümrüdü-yaşıl ətəkli kostyum geyinib.

O libasını eyni rəngli papaqla tamamlayıb.

İvankanın bu obrazı "Dior"un İkinci Dünya Müharibəsindən sonra moda sahəsində yeni bir dövrə başlayan və göz oxşayan görünüşündən ilhamlanıb.

Andiçmə mərasimində keçmiş ABŞ prezidentləri Corc Uolker Buş, Barak Obama da olublar. Onlar mərasimə rəsmi geyimdə qatılıblar.

Builki inauqurasiyada keçmiş birinci xanım Mişel Obama iştirak etməyib, lakin Corc Uolker Buşun həyat yoldaşı Laura Buş mərasimə qatılanlar arasında olub.

Böyük Britaniyanın keçmiş Baş naziri Boris Conson da orada olub. Andiçmədə milyarder texnologiya rəhbərləri İlon Musk, Ceff Bezos və Mark Zukerberg də mərasimdə iştirak ediblər.