Devlet Devrim 81 yaşında vəfat etdi

Məşhur aktrisası Devlet Devrim vəfat edib.

BAKU.WS xəbər verir ki, o 81 yaşında dünyasını dəyişib.

Bu barədə Film Sənayesinin və Sənətkarlarının Gücləndirilməsi Fondu məlumat yayıb.

Xatırladaq ki, Devlet Devrimin əsl adı Devlet Muhsin olub və Misirin Qahirə şəhərində dünyaya gəlib.

O, 1962-ci ildə "Səs" jurnalının keçirdiyi örtük ulduzu müsabiqəsində qalib gələrək kino sənayesinə qədəm qoyub. İlk ekran işi 1963-cü ild çəkilən "Çiçəksiz bağ" olub.

Bundan başqa aktrisa "Fatih'in Fedaisi", "Hazreti Ayşe", "Beynimdeki Şeytan", "Para Kadın Silah", "Çingene", "İçimdeki Alev", "Ben Bir Sokak Kadınıyım", "Hazreti Süleyman ve Saba Melikesi", "Battal Gazi", "Çalıkuşu", "Kara Fatma", "Dört Kurşun", "Meyhanenin Gülü", "Kadın Avcıları", "Bombacı Emine", "Kan ve Kurşun", "Zaloğlu", "Bombacı Emine", "Korkusuz Adam", "Zehirli Hayat" kimi filmlərdə də çəkilib.