Abxaziyada babanın səhvi beş nəvənin faciəvi ölümünə səbəb oldu

Abxaziyanın Papandırxua kəndində baş verən yanğın nəticəsində beş azyaşlı uşaq həyatını itirib. Yanğının səbəbi babanın yanacaq qarışığını səhv salması olub.

BAKU.WS xəbər verir ki, Gal rayonunun rəhbəri Konstantin Piliyanın sözlərinə görə, yanğın şəxsi evdə baş verib. O an evdə yalnız uşaqlar olub.

İlkin məlumata görə, baba sobanı yandırarkən kerosini benzinlə səhv salıb. Yanğın nəticəsində həyatını itirən uşaqların ən kiçiyinin cəmi dörd ay olduğu bildirilir.

Hadisə yerində FHN əməkdaşları işləyir və vəziyyətə nəzarət etmək üçün rayon rəhbəri də hadisə yerinə gedib.