055 213 76 73
Vaxtaşırı aclıq qaraciyər iltihabından və xərçəngindən qoruyur.
BAKU.WS xəbər verir ki, bu barədə alimlər araşdırma aparıblar.
Almaniya Xərçəng Tədqiqatları Mərkəzinin (DKFZ) və Tübingen Universitetinin alimləri müəyyən ediblər ki, 5:2 qidalanma rejimində qidalanma siçanlarda qaraciyərin iltihabı və xərçənginin qarşısını ala bilər.
Tədqiqatın nəticələri "Cell Metabolism" jurnalında dərc edilib.
Təcrübə siçanlar iki qrupa bölünərək aparılıb. İlk mərhələdə heyvanlar yüksək şəkər və ya yağ tərkibli qidalarla qidalanırdılar. Birinci qrup siçanlar daim qida əldə edə bilirdilər. Daha sonra artıq çəki aldılar. Həmçinin onların qaraciyərində xroniki iltihab yarandı.
Digər qrupdakı siçanlara isə həftədə iki gün yemək verilmirdi. Belə bir qidalanma rejimi, "5:2" qrafiki ilə dövri aclıq adlanır. Digər siçanlar isə istədikləri qədər yeyiblər.
Nəticələr göstərir ki, yağlı və şirin yeməklərə baxmayaraq, ikinci qrupun heyvanları kilo almayıblar.
Həmçinin onların bədənində qaraciyərin zədələnməsini göstərən biomarkerlərin səviyyəsi aşağı düşüb. Alimlər qeyd etdilər ki, qaraciyər yağlı distrofiyasının inkişafına qarşı müqavimət ümumi həftəlik kalori istehlakından asılı deyil.
Tədqiqatçıların sözlərinə görə, yağlı hepatoz (yağ distrofiyası, steatoz) qaraciyər xərçənginə səbəb ola bilər.
Alimlər müəyyən ediblər ki, ara-sıra aclıq onun inkişaf riskini azaldır.
Tədqiqatçıların fikrincə, aclığın xərçəngə qarşı təsiri siçanların bədənində iltihabla mübarizə aparmaq üçün xüsusi zülalların istehsalı ilə əlaqədardır. Eyni zamanda, oxşar maddələr qida qəbul etməyən insan tərəfindən də sintez edilə bilər.