055 213 76 73
Həkimlər 46 yaşlı Tümen vilayəti sakinində nadir rast gəlinən timus vəzinin şişini aşkar ediblər.
BAKU.WS bu barədə Rusiya mediasına istinadən xəbər verir.
Qadın göz qapağının sallanması şikayəti ilə oftalmoloqa müraciət edib. Onun nevropatoloqa müayinədən keçməsi tövsiyə olunub və onda timus vəzinin şişi olduğu üzə çıxıb.
İki həftəlik müalicədən sonra qadının şişi çıxarılıb və o şüa terapiyası alıb.
Məlumata görə, xəstəxanaya daxil olduqdan sonra xəstə miasteniya sindromun mövcudluğunu göstərən testdən keçib. Daha sonra kompüter tomoqrafiyası edilib və ilkin mərhələdə timus vəzində bədxassəli şiş aşkarlanıb.
Qeyd olunur ki, timus vəzi (timus) uşaqlarda immun hüceyrələrin T-limfositlərinin istehsalından məsuldur.
Yetkinlərdə, sinədəki bu orqanın praktik olaraq fəaliyyətsiz olduğuna inanılır. Çünki timus hüceyrələrinin əksəriyyəti yağ hüceyrələri ilə əvəz olunur.