“Elektronikanın macəraları" kult filminin yeni bölümü çəkiləcək

Sovet dövrünün istehsalı olan və ölkəmizdə də maraqla baxılan “Elektronikanın macəraları” filminin yeni bölümü çəkiləcək.

Bu barədə Rusiyanın “Vodorod” studiyası məlumat yayıb.

Studiyadan verilən məlumata görə, filmin yeni bölümü üçün əsas çətinlik Sergey Syroejkin roluna aktyor seçimi olacaq.

Orijinalda onun rolunu Yuri Torsuev, Elektronika obrazını isə onun əkiz qardaşı Vladimir canlandırıb.

Filmin yeni hissəsi tanınmış ssenarist və rejissor Andrey Zolotarevə həvalə olunacaq.

Qeyd edək ki, 3 hissədən ibarət olan "Elektronikanın macəraları" musiqili filmini rejissor Konstantin Bromberq 1979-cu ildə çəkib.