Həkim günün ən təhlükəli saatlarını açıqladı: İnfarkt və insult riski kəskin artır

İnsan sağlamlığı üçün günün ən riskli vaxtı səhər saatları hesab olunur. Mütəxəssislər xüsusilə yuxudan oyandıqdan sonrakı müddətdə ürək-damar sistemi ilə bağlı təhlükələrin artdığına diqqət çəkirlər.

BAKU.WS xəbər verir ki, qastroenteroloq Trişa Paşriça "The Washington Post" nəşrinə açıqlamasında günün ən təhlükəli vaxtının səhər saat 06:00-dan 09:00-dək olan dövr olduğunu bildirib.

Həkimin sözlərinə görə, məhz bu saatlarda infarkt riski 40 faiz, insult riski isə 72 faiz artır.

Paşriça bunu insan orqanizmində yuxudan oyandıqdan sonra baş verən fizioloji dəyişikliklərlə əlaqələndirib. Belə ki, səhər saatlarında arterial təzyiq yüksəlməyə başlayır, melatonin hormonunun səviyyəsi azalır, stress hormonu kimi tanınan kortizolun miqdarı isə artır.

Bununla yanaşı, trombositlərin bir-birinə yapışma meyli güclənir və qan laxtalarının əriməsinin qarşısını alan deyil, əksinə, onların parçalanmasına kömək edən mexanizmlərin fəaliyyəti dəyişir. Bu proseslər birlikdə qan laxtalanması və ürək-damar problemləri riskinə təsir göstərə bilər.

Həkim xüsusilə yüksək arterial təzyiqdən əziyyət çəkən insanların səhər saatlarında daha diqqətli olmasının vacibliyini vurğulayıb.

Riskləri azaltmaq üçün həkim tərəfindən təyin edilmiş dərmanları vaxtında qəbul etmək və arterial təzyiqi mütəmadi ölçmək tövsiyə olunur. Paşriça dərman qəbulundan əvvəl səhər saatlarında da təzyiqin yoxlanılmasının əhəmiyyətinə diqqət çəkib.