Paris-2024-də Azərbaycandan ilk hansı idmançı yarışacaq?

Paris-2024 Yay Olimpiya Oyunlarının kamandan oxatma yarışlarının püşkatma mərasimi keçirilib.

BAKU.WS Oxu.Az-a istinadən xəbər verir ki, bununla da Azərbaycanın Olimpiadada ilk çıxış edəcək idmançısı Yaylagül Ramazanovanın mübarizəyə neçənci qoşulacağı bəlli olub.

O, sıralama turuna 30-cu cütdə başlayacaq. Bu raund iyulun 26-da, Bakı vaxtı ilə saat 11:30-da start götürəcək.

Təmsilçimiz B zolağından hədəfi nişan alacaq.

Qeyd edək ki, sıralama turunda mübarizə aparacaq 64 oxatan 1/32 final cütlərini müəyyənləşdirəcək.