055 213 76 73
"Real Madrid"in baş məşqçisi Karlo Ançelotti İspaniya Superkubokunun finalında "Barselona"ya qalibiyyətdən (4:1) sonra türkiyəli yarımmüdafiəçi Arda Gülərla bağlı danışıb.
BAKU.WS "Madrid Zone"yə istinadən xəbər verir ki, italyan mütəxəssis Arda Güləri meydana buraxmasa da türkiyəlinin komandanın əsas futbolçusu olduğunu deyib:
“Arda Gülər əsas oyunçularımızdan biridir. Biz cəmi 11 futbolçu ilə oynamırıq. O, ciddi zədədən qayıdıb, tezliklə öz işini görməyə başlayacaq və daha çox oyun vaxtı əldə edəcək”.
Gülər ötən yay 20 milyon avro qarşılığında "Fənərbağça"dan "Real Madrid"ə keçib. Türk futbolçu mövsümün ilk hissəsini diz və omba nahiyəsindən aldığı zədə səbəbindən buraxıb.
Futbolçunun Madrid klubu ilə müqaviləsi 2029-cu ilin iyunun sonuna kimi qüvvədədir. Transfermarkt internet portalına görə, futbolçunun təxmini dəyəri 15 milyon avrodur.