Bakıda böyük təmir işlərinə başlanacaq - Bu rayonlarda

"Bakı Şəhər Əsaslı Tikinti və Təmir" MMC tərəfindən Bakının bir neçə rayonunda abadlıq və təmir işləri ilə bağlı tender elan olunub.

BAKU.WS xəbər verir ki, tenderə əsasən, Nizami, Yasamal, Binəqədi, Suraxanı, Xəzər, Qaradağ, Pirallahı rayonlarının ərazisindəki səkilərdə, həyətlərdə, park və xiyabanlarda təmir, yenidənqurma və abadlaşdırma işləri aparılacaq.

Layihənin ehtimal olunan dəyəri 24 milyon 999 min 810 manatdır.

Tender 18 aprel 2025-ci il tarixində elan olunub. Bu işlərə infrastrukturun qurulması, səthlərin üzlənməsi və asfaltlanması da daxildir.