Ermənistanın Konstitusiyası dəyişir: Paşinyan referendumla bağlı əminliyini bildirdi
Yeniliklərdən dərhal xəbərdar olun
Ermənistanın baş naziri Nikol Paşinyan yeni Konstitusiya ilə bağlı referendumda vətəndaşların böyük əksəriyyətinin sənədi dəstəkləyəcəyinə əminliyini ifadə edib.
BAKU.WS Oxu.Az-a istinadən xəbər verir ki, bu barədə o, Milli Assambleyada keçirilən hökumət saatında danışıb.
"Əminəm ki, referendum zamanı Ermənistan vətəndaşlarının böyük əksəriyyəti səsvermədə iştirak edərək yeni Konstitusiyanı dəstəkləyəcək. Çünki bu Konstitusiyaya səs verməklə onlar özlərinin və gələcək nəsillərinin xeyrinə seçim etmiş olacaqlar", - deyə Paşinyan bildirib.
Baş nazir vurğulayıb ki, yeni Konstitusiya ilə bağlı gündəlik dövlətin gələcək baxışı və inkişaf modeli ilə əlaqədardır.
"Yeni Konstitusiyanın konsepsiyası və ideologiyası "Real Ermənistan" ideologiyasına əsaslanmağı nəzərdə tutur. Məqsəd Ermənistan Respublikasını beynəlxalq səviyyədə tanınmış sərhədləri daxilində dövlət kimi təsbit etmək, münaqişələr səhifəsini bağlamaq, dövləti inkişaf etdirmək və onu nəsildən-nəslə ötürməkdir. Söhbət məhz bundan gedir", - deyə Ermənistanın baş naziri bildirib.
O qeyd edib ki, təklif olunan yanaşmanın məqsədi sülhü və xalq hakimiyyətini dönməz prosesə çevirməkdir.
Paşinyan həmçinin vurğulayıb ki, Ermənistanın hazırkı Konstitusiyası münaqişəyə xidmət etmək məntiqi əsasında formalaşdırılıb, yeni Konstitusiya isə sülhə xidmət etmək üçün nəzərdə tutulub.
Oxşar xəbərlər
Ceyhun Bayramov: "Azərbaycan-Türkiyə əlaqələri bənzərsizdir" - "Haber Global"ın süjeti
Azərbaycanın xarici işlər naziri Ceyhun Bayramov almaniyalı həmkarı Yohan Vadeful ilə Bakıda keçirdiyi birgə brifinqdə Azərbaycan-Türkiyə münasibətlərindən danı...