Azərbaycanda bir ailənin iki körpəsinin burnundan qəfildən qan açılır və... - FOTO

Azərbaycanda bir ailənin iki uşağının burnundan qəfildən qan açılır və uzun müddət durmadan axır.

BAKU.WS xəbər verir ki, Hüquq müdafiəçisi, "Təmiz Dünya" qadınlara yardım İctimai birliyinin və Qadın və Uşaq Sığınacağının rəhbəri Mehriban Zeynalova burnundan qan açılan azyaşlının şəklini sosial şəəbəkədə paylaşaraq özəl klinikalara müraciət edib:

"Dünən izləyicilərimizdən biri bu rəsmi atıb bildirdi ki, uşağın burnundan durmadan qan gəlir. Ana imkansız olduğundan uşağı müalicə etdirə bilmir. Ən pisi isə odur ki, artıq ananın digər körpəsi də bu halı yaşamağa başlayıb.

Özəl klinikalardan xahiş edirik bu uşaqların müalicəsini üzərinlərinə götürsünlər. Yenə dəstək göstərəcəyinizə əminik".

Mehriban Zeynalova bildirib ki, uşaqların müalicəsi üçün pul yığılmır. Əminik ki özəl klinikalardan biri bu məsələni öz üzərlərinə götürəcək.

Uşaqlara tezliklə müalicə olunmasalar nəticə pis ola bilər.

Kömək etmək istəyənlər uşağın anası Ayən xanımla 050-702-49-16 nömrəsi ilə əlaqə saxlaya bilər.

Qalereya