Gülüstan Əliyeva göz yaşlarına hakim ola bilmədi: "Oğlum atasını görmədən dünyaya gəlib"

Əməkdar artist Gülüstan Əliyeva duyğusal anları ilə diqqət çəkib.

BAKU.WS xəbər verir ki, "İncə səhər" verilişinə qonaq olan sənətçi həyat yoldaşının vəfatından və övladının onu heç vaxt görə bilməməsindən danışıb.

Əməkdar artist efir zamanı göz yaşlarına hakim ola bilməyib:

"Mən göz önündə olan şəhid xanımıyam. Amma inanın ki, yüzlərlə belə xanım var ki, heç vaxt, heç kim onları görməyib. Efirlərdə olmayıblar. Hər zaman öz dərdləri, çətinlikləri və həyatları ilə arxa planda qalıblar. Təbii ki, dövlətimiz, hər bir insan onların yanında olub. Bu gün onlara təşəkkür etmək istəyirəm. İkinci Vətən müharibəsindən sonra hər birimiz həmin ailələrin yanında olmuşuq. Mənim oğlum da atasını görmədən dünyaya gəlib. İndi də belə uşaqlar var".

Xatırladaq ki, Gülüstan Əliyevanın həyat yoldaşı Zahid Əhmədov I Qarabağ müharibəsində şəhid olub.