85 yaşlı aktyoru vuraraq öldürən motosikletçi danışdı: "Qəfildən önümə çıxdı"

Məşhur aktyor Engin Çağları vuraraq öldürən motosikletçinin ifadəsi ortaya çıxıb.

BAKU.WS xəbər verir ki, hadisənin ardından polis şöbəsinə aparılan B. O. adlı motosikletçi günahını etiraf edib. O ifadəsi zamanı aktyorun qəfildən önünə çıxdığını və qəza şəraiti yaratdığını bildirib.

B. O.-nun şöbədə sorğusu başa çatdıqdan sonra ədliyyəyə göndərilib.

Məhkəməyə çıxarılan motosikletçi "ehtiyatsızlıqdan adam öldürmə" maddəsi ilə ittiham olunaraq həbs edilib.

Qeyd edək ki, Engin Çağlar 85 yaşında dünyasını dəyişib. O Şişlidə qarşı tərəfdəki yola keçərkən onu motosiklet vurub.

Aktyor karyerasına 1968-ci ildə Bilgə Olqaçın "Öksüz" filmi ilə başlayıb. 1969-cu ildə Orxan Aksoyun rejissorluq etdiyi "Kınalı Yapıncak" filmində Hülya Koçyiğit ilə oynayaraq məşhurlaşıb.

Hulki Saner ilə anlaşdıqdan sonra Metin Erksanın yönətdiyi filmlərdə görünüb. 1974-cü ildə kinodan gedib. 2016-cı ildən FİLMSAN Fondunun İdarə Heyətinə sədr seçilib.