İzmirdə polisə silahlı hücum olub: Yaralananlar var

Türkiyənin İzmir şəhərinin Karabağlar rayonunda avtomobilə baxış keçirməyə gələn polisə başqa avtomobildən atəş açılıb.

BAKU.WS Türkiyə mediasına istinadla xəbər verir ki, silahlı atışmaya çevrilən hadisədə 1-i polis olmaqla 2 nəfər yaralanıb.

İnsident zamanı polis əməkdaşı ayağından vurularaq xəsarət alıb.

Məlumata əsasən, hadisədən sonra çox sayda şəxsin saxlanıldığı bildirilib.

Faktla bağlı araşdırma aparılır.