Ramin Məmmədov: Dini dözümlülük dövlət siyasətinin əsas istiqamətlərindəndir

Azərbaycanda multikulturalizm və dini dözümlülük dövlət siyasətinin əsas istiqamətlərindəndir.

BAKU.WS xəbər verir ki, bu barədə Dini Qurumlarla İş üzrə Dövlət Komitəsinin sədri Ramin Məmmədov 7-ci Ümumdünya Mədəniyyətlərarası Dialoq Forumunun plenar iclasında danışıb.

O bildirib ki, ölkədə dini etiqad azadlığının qorunması, dini icmaların fəaliyyətinin dəstəklənməsi və dini zəmində radikalizmin qarşısının alınması istiqamətində tədbirlər həyata keçirilir.

Komitə sədri gənclərin dinlərarası dialoqa və sosial həmrəyliyin təşviqinə cəlb olunmasının da vacibliyini vurğulayıb.

Banu Hüseynli