İstanbul hava limanında ƏMƏLİYYAT: İranlı müğənni əri ilə saxta pasportla saxlanıldı - FOTO/VİDEO

Türkiyədə yaşayan iranlı müğənni Siamak Şabdel Borhan əri ilə saxta pasportla Almaniyaya getmək istəyərkən İstanbul hava limanında yaxalanıb.

BAKU.WS Türkiyə mətbuatına istinadən xəbər verir ki, İstanbul Hava Limanında baş verən hadisədə Türkiyədə yaşamaq icazəsi olan iranlı müğənni Borhan və həyat yoldaşı Sahar Heydrizad Qezeljeh qeyri-qanuni yollarla Almaniyaya getmək planı qurublar.

Müğənni və həyat yoldaşı səfərdən əvvəl həm Tehran, həm də Almaniyanın Berlin təyyarəsində qeydiyyatdan keçiblər.

Keçid məntəqəsinə İran pasportu ilə gələn cütlük Tehran təyyarə bileti ilə pasport nəzarətindən keçib.

Planlarında heç bir maneə olmadığını anlayan cütlük əvvəl qeydiyyatdan keçdikləri Berlin təyyarəsinin qapısına gediblər. Borhan və həyat yoldaşı çantalarındakı saxta Kolumbiya və Britaniya pasportlarını məmurlara göstərib.

İstanbul Hava Limanı Polis İdarəsinə bağlı risk təhlili bölməsinin sənədlərə baxış qrupları İran vətəndaşı Borhanı pasport nəzarət məntəqəsindən keçəndən sonra izləməyə alıblar. İki sərnişin anbaan kameralar tərəfindən izlənilib.

İranlı cütlüyün Berlin təyyarəsinə doğru getdiyi müəyyən edilib.

Daha sonra, pasportları müsadirə edilən Sahar Heydrizad hadisə yerindən qaçıb, iranlı müğənninin isə gözləməsi tələb olunub. Az sonra iranlı müğənni də olduğu yerdən uzaqlaşıb.

Həyat yoldaşı ilə qısa müddət telefonda danışdığı aşkarlanan Siamak Şabdel Borhan Almaniyaya getmək planları həyata keçirmədiyi üçün əllərindəki Tehran bileti ilə İrana getmək üçün təyyarəyə doğru hərəkət ediblər.

Təyyarəyə minən cütlük polislər tərəfindən endirilib.

İranlı müğənni və həyat yoldaşı saxlanılıb.