Haluk Levent: “Paltarlar elə çirkli və səliqəsiz şəkildə göndərilib ki...” - VİDEO

“Paltarlar elə çirkli və səliqəsiz şəkildə göndərilib ki... Biz bunları harada yuyaq? Harada ütüləyək? Buna görə də hamıdan xahiş edirəm, ikinci əl əşyalar, geyinilmiş paltarlar göndərməyin!”

BAKU.WS Türkiyə KİV-ə istinadən xəbər verir ki, bu sözləri müğənni Haluk Levent deyib. Sənətçi zəlzələ böləsindəki insanlar üçün göndərilən çirkli və geyinilmiş paltarların lazımsız olduğunu bildirib:

“Bəziləri deyir ki, zəlzələ bölgəsindəki insanlar üşüyürlər, göndərim mənim köynəyimi geyinsinlər. Yüzlərlə yeni paltar almağa imkanı olan insanlar var... Xahiş edirəm, belə etməyək dostlar...”.

Xatırladaq ki, fevralın 6-sı Türkiyənin 10 şəhərini əhatə edən 7,7 bal gücündə şiddətli zəlzələ baş verib. Təbii fəlakət kütləvi dağıntılara və insan tələfatına səbəb olub. Türkiyədə 3 ay fövqəladə vəziyyət elan olunub.