Azərbaycan lideri: Polşanın Cənubi Qafqazı əhatə edən mövqeyini yüksək qiymətləndiririk

Avropa İttifaqının üzv dövləti və Şərq Tərəfdaşlığı proqramının təşəbbüskarı kimi Polşanın bütün Cənubi Qafqazı əhatələyən regional əməkdaşlığı təşviq edən siyasətin formalaşmasına xidmət göstərən mövqeyini yüksək qiymətləndiririk.

BAKU.WS xəbər verir ki, bu fikir Azərbaycan Prezidenti İlham Əliyevin polşalı həmkarı Andjey Dudaya ünvanladığı təbrik məktubunda yer alıb.

Prezident qeyd edib ki, Azərbaycan ilə Polşa arasında dostluq və qarşılıqlı hörmət ənənələrinə əsaslanan əlaqələrin hazırkı səviyyəsi məmnunluq doğurur. İqtisadiyyat, nəqliyyat, mədəniyyət və digər sahələrdə dinamik inkişaf edən əməkdaşlığımız ölkələrimizin və xalqlarımızın mənafelərinə xidmət edir.